ИД ШИД

БИДНИЙГ ТОЙРОН ЭРГЭЛДЭЖ байгаа амьдрал ид шидээр дүүрэн. Аягатай ус, нарын гэрэл, модны навч, содон дуутай царцаа, анхилуун үнэртэй цэцэг, инээд борооны бусад… Хэрэв та сонор сэргэг амьдарч байгаа бол эдгээр ид шид эргэн тойрон байгааг амархан олж харж чадна. Хүмүүн бүр өөрөө олон олон ид шидийн цогц мөн. Мянга мянган өнгө, сүүдрийг ялган харж байгаа нүд, зөгий нисэх, тэнгэр дуугарахын алийг нь ч сонсож байгаа чих, хумхын тоос, холын сансар огторогуйн учир утгыг эргэцүүлж буй тархи, амьтан бүхний зүрхний цохиолттой уялдан цохилж байгаа зүрх бүгд ид шид мөн. Бид ядарч сульдсан үедээ, амьдралын өдөр тутмын тэмцлээс залхаж шантарсан байхдаа тэдгээр ид шидйг олж хардаггүй ч үнэн хэрэг дээрээ ид шид хэзээд бидэнтэй хамт байж байдаг.